20. November 2025
Kannerrechter
De « Weltkannerdag » gëtt och Internationalen Dag vun de Kannerrechter genannt. Dëse speziellen Dag erënnert all Joer drun, datt all Kand, egal wou et lieft, Grondrechter huet: geschützt, geliibt, nogelauschtert a respektéiert ze ginn.
Wat sinn d’Kannerrechter?
D’Kannerrechter si Mënscherechter, déi speziell fir Kanner definéiert goufen. Dës Rechter si Reegelen, déi 196 Länner ugeholl hunn, fir all Kand eng sécher a gesond Entwécklung ze garantéieren.
Si gëlle fir all Kanner a Jugendlecher ënner 18 Joer. Si hëllefen hinnen, sech ze entwéckelen, a berücksichtegen hir Besoinen. All Kand huet d’Recht, bei sengen Elteren ze liewen, gesond Iessen ze kréien, medezinesch versuergt ze ginn. All Kand huet och d’Recht, ze spillen, Fräizäit ze hunn, Konscht a Kultur ze entdecken, asw.
All Kannerrechter hänke matenee zesummen, si sinn all wichteg, a keen däerf engem Kand dës Rechter ewechhuelen.
D’Kannerrechter stinn an der Kannerrechtskonventioun, engem internationalen Traité, deen déi meescht Länner op der Welt ënnerschriwwen hunn. Mat dëser Ënnerschrëft verpflichten si sech, Kanner duerch Gesetzer a Schutzmoossnamen z’ënnerstëtzen, fir datt si a Sécherheet a mat Wuelbefanne kënne liewen a opwuessen.
Wat sinn déi grouss Prinzippie vun der Konventioun?
Déi 4 Haaptprinzippie vun de Kannerrechter
D’Kannerrechtskonventioun baséiert op véier grousse Grondprinzippien, déi an der Internationaler Kannerrechtskonventioun (CIDE) festgehale sinn:
Déi zéng prioritär Kannerrechter zu Lëtzebuerg
Ënnert de Kannerrechter huet Lëtzebuerg 10 Prioritéitsrechter definéiert, déi fir Kanner a Jugendlecher besonnesch wichteg sinn:
Ech hunn d’Recht, ech selwer ze sinn!
Ech hunn d’Recht op meng béid Elteren!
Ech hunn d’Recht ze léieren!
Ech hunn d’Recht matzemaachen
an informéiert ze ginn!
Ech hunn d’Recht gesond ze sinn
a mech gutt ze fillen!
Ech hunn d’Recht op e gutt Liewen an eng gesond Ëmwelt!
Ech hunn d’Recht, géint Gewalt geschützt ze ginn!
Ech hunn d’Recht ze laachen, ze spillen a ze dreemen!
Ech hunn d’Recht, inklusiv ze sinn a gehollef ze kréien, wann ech speziell Besoinen hunn!
Ech hunn d’Recht, a Krichs- oder Katastrophesituatioune geschützt ze ginn!
Kuckt och d’Säit Meng Rechter op www.staarkrechter.lu
All Kand huet d’Recht respektéiert ze ginn, egal wéi eng Hautfaarf, Hierkonft oder Sprooch et huet. Keen däerf en Ënnerscheed op Basis vum Geschlecht oder enger Behënnerung maachen.
All Entscheedungen, déi Kanner a Jugendlech betreffen, mussen am beschten Interessi vum Kand getraff ginn. Hiert Wuelbefannen muss Prioritéit hunn, an hir Meenung muss berücksichtegt ginn.
All Kand huet d’Recht op d’Liewen, op d’Gesondheet, op Bildung an op Entwécklungsbedéngungen, déi seng kierperlech, geistlech, sozial an emotional Entfalung fërderen.
All Kand huet d’Recht, seng Meenung zu all Fro, déi et betrëfft, fräi auszedrécken, a respektéiert ze ginn.